De NDR-Hörfunk versorgt uns jümmers wedder mit nee Programm op Platt
Hier geiht dat na frische Links vun de NDR 1 Welle Nord in Kiel. […]
Medienworkshop för junge Lüüd
Wat maakt twölf junge Lüüd an en Wekenend bi Flensborg op´n Scheersbarg in Schleswig-Holsteen? Kloor: […]
Platt Radio för junge Lüüd – Workshop
Dat Lännerzentrum für Nedderdüütsch und de Norddüütsche Rundfunk laadt in:
Twölf junge Lüüd, dree Daag in´n November un an´t Enn steiht een Stünn Radio op Platt in‘n NDR. Dat beden dat „Länderzentrum für Niederdeutsch“ un de Plattredaktschon vun de NDR 1 Welle Nord vun Dunnnersdagavend den 21. November 2019 bet Sünndag den 24.November op den Jugendhof Scheersbarg in Schleswig-Holsteen an.
Tosamen denkt wie uns een Thema för een Stünn Radio ut. Wi öven de Arbeit mit dat Mikro, dat Schnieden un sünd ünnerwegens un reporteren. Stück för Stück maakt wi allns ferdig, dormit an den Sünndag „uns“ Sendung op Platt mit de Ü-Waag optekent warrn kann. Sent warrt de denn Mondag den 25.November 2019 vun Klock 9 bit 10 an Avend op NDR 1 Welle Nord. Blangenbi lehrt wi ok noch Arbeit för Fernsehen un dat Blatt kennen.
Wokeen kann mitmaaken?
Elkeen bet 30, de sik för Platt un för Medien interesseren deit. Anmellen kann en sik bet to den 18.November 2019 över info@lzn-bremen.de. De Workshop is för twölf Lüüd, wokeen sik gau mellt, hett de besten Chancen.
Wat kost dat?
De Workshop, Eten un Drinken, övernachten kost nix. Man: de Deelnehmers mööt de An- un Afreis sülvens organiseren un betahlen.
Wat steiht in’t Lüttdruckte?
För de, de noch nich 18 sünd, mööt de Öllern ünnerschrieven. Un wiel dat in’t Radio kümmt, un dat Fernsehen ok vörbikümmt, mutt elkeen toseggen, dat he nix dorgegen hett, wenn he in NDR to sehen oder to hören is.
Mell Di geern an ünner: info@LzN-Bremen.de
Mehr hier!