An düt Wekenenn, den 11. un 12. November, sünd wi vun’t LzN mit en Stand to Gast bi de Plattdüütsche Bookmess in’n Lichtwarksaal vun de Carl-Toepfer-Stiften in Hamborg. Un wi bringt ordig wat mit: Uns Wienachstbummel mit Spelen, Leders un Backrezepten is fardig. Postkoorten un Info-Broschüren in un över de Spraak kannst’ bi uns kriegen. Un en Klöönsnack gifft dat noch bavento. Kiek doch mal bi uns vörbi!
