Plattdüütsch schrieven

Fieravend-Online-Seminar

Dünnersdag, 7. Januar 2021, Kl. 19.00 – 21.30

Referenten: Christiane Ehlers (Niederdeutschsekretariat), Jan Graf (SHHB)

Mit goden Grund hebbt so veel Spraken op de Welt en faste Orthographie: Een kann de Wöör alltiet wedderkennen. Dat Lesen fallt lichter. Un ok de Autor sülvst mutt nich bi elk Woort nie överleggen, woans he den Klang vun sien Spraak mit Bookstaven infangt: He weet, dat Schrift wat anners is as spraken Spraak, un richt sien Schrieven na Prinzipien, de sik jümmer liek blievt.

För dat Plattdüütsche hett Johannes Saß Anfang vun`t 20. Johrhunnert Schrievregeln opstellt, de hüüt veel Schrieverslüüd bruukt un achter de ok de Sleswig-Holsteensche Heimatbund steiht. Se sünd licht to verstahn un antowennen.

Tweeunhalf Stünnen lang warrt Christiane Ehlers vun`t Nedderdüütschskretariat un Jan Graf vun`n Heimatbund de wichtigsten Regeln vun düsse Norm vörstellen un mit de Deelnehmers inöven. Dat Mitmaken kost nix. Ji bruukt en Computer oder Laptop mit Mikrofoon un Kamera, un Ji schullen en annern Browser as Microsoft Edge dorför bruken. Bet to twölf Lüüd köönt mitmaken.

Bet 23. Dezember köönt Ji Ju anmellen per Mail bi:

Jan Graf

j.graf@heimatbund.de

Bi Fragen köönt Ji ok geern anropen ünner: 0431 – 98384-15.