Artikel

Wat to´n Snüüstern un Smüüstern!

Dree Johr lang hett Elke Brückmann ut Auerk flietig sammelt un sorteert. De Arbeit hett sik lohnt. 5000 Spreekwöör hett se in Listen indragen un achteran dat Online-Wöörbook vun de „Oostfreske Landskup“ noch rieker dormit maakt.
Elke Brückmann arbeit in dat „Plattdüütskbüro“ vun de „Landskup“. De hett dat Projekt mit den Vereen „Oostfreeske Taal“ fördert.
De Platt-Expertin hett mit veel Hartblood sammelt, wat mit wenig Wöör deepdenkern maakt, den Nagel op´n Kopp drapen deit un dat meist mit ´n Ogenplinkern. Bi´t Sammeln hett Elke Brückmann faststellt, dat de mehrsten Spreekwöör sik op Alkohol betrecken doot, dicht folgt vun de Stichwöör „arm sien“ un „Geld“. 26 verscheden Kategorien sünd bi dat Sorteren rutsuert. Dormit Elke Brückmann nich in´n Tüdel keem, hett se de Schnacks un Spreekwöör op lange Papeerlisten sammelt un denn in´t Internet inpleegt.

Hier en poor Biespele ut dat Originaal op Oostfresenplatt:

Malöör sitt up lüttje Stee. (Ein Unglück kommt schneller als man denkt.)
He smitt mit d´Mettwust na d´Schink. (Er will mit Kleinem Großes bekommen.)
Kummt de Minsk to Weten, is he half versleten. (Erst im Alter wird der Mensch weise.)

All sammelte Spreekwöör sünd hier to finnen:
Klick Di rin! Dat lohnt sik!

Snüüstern un Smüüstern