Dat Lännerzentrum för Nedderdüütsch in Bremen maakt sien Dören op un laadt an’n 22. Juni in de Contrescarpe 32 to’n Sommerfest. Losgahn deit dat Klock 11. Blangen Eten un Drinken un eenfack en Mööglichkeit to’n Uttuusch hett dat Lännerzentrum ok en kulturelle Programm op de Been stellt: Gesche Gloystein un Nikos Saul präsenteert plattdüütsche Slamtexten, un Musik to’t Tolustern un Mitsingen gifft dat ok. All, de Lust dorto hebbt, sünd inlaadt.
