Wat köönt wi hüüt noch mit de olen Klassiker anfangen? Blots lesen? Dat is al veel – aver dor geiht noch mehr. Dat hebbt sik dat LzN (Ideen, Inhalt) tosamen mit de Carl-Toepfer-Stiften (Idee un Finanzeren), de Klaus-Groth-Sellschap un de Europa-Universität Flensborg (Korrektur) seggt. Ruutsuert is en heel nee Plakaat, grafisch ümsett vun Bernhard Mathias Frank:
Achter de Geschicht vun Reinke de Voss stickt en heel langen Vertelltraditschoon mit Wuddeln in`t Middelöller. As heel bekannten Rieminkunabel is dat vullstännige Wark op Plattdüütsch ut dat Johr 1498 noch vörhannen – in de Herzog August Bibliothek in Wolfenbüttel. In de Mohnkopf-Druckeree in Lübeck is dat dormols druckt worden. Klaus Groth hett also en olen Stoff för sik nee ümsett. De Biller vun dit Plakaat schüllt sik an dat ole Wark vun 1498 anlehnen.
De Schrievwies vun dat Gedicht op dat Plakaat is vun Klaus Groth so övernahmen worden, as dat in sien Wark „Quickborn“ afdruckt weer.
Wokeen en heel anneres Platt snacken, kören oder proten deit, kann toeerst kieken, wodennig sik dat Dithmarscher Platt vun dat egene ünnerscheden deit. Dat is heel spannend!
Wichtig weer de Plakaat-Makers, dat en beten Achtergrund to dat Gedicht levert warrn schull:
Babento schull mit dat Gedicht ok speelt warrn. De besten Biespele kemen glieks mit rop op de Sieden:
Dat Plakaat kann kostenfree bi de Carl-Toepfer-Stiften anfordert warrn – geern ok as Klassensatz. Blangen Scholen kann dat ok vun Krinks, Platt-AG´s oder Volkshochscholen anfordert warrn – vun jicheneen, de dat goot bruken kann.
De Adress:
Niederdeutsche Bibliothek
Peterstraße 28,
20355 Hamburg
Tel. 040 340 8 23
Niederdeutsche Bibliothek