(Foto: Thorsten Börnsen)
An’n verleden Sünnavend, den 23.06.2024, funn dat grote Finale vun den plattdüütschen Vörleeswettstriet “Jungs un Deerns leest Platt” in’t Hamborger Ohnsorg Theater statt. Thorsten Börnsen, de Geschäftsföhrer vun’t LzN weer mit in de Jury. Un de harr keen lichte Job dorbi to doon. Denn all weren se goot. Man winnen müss jo ok een.
Sodennig hett den eersten Pries bi de Grundschölers Erich Graudus vun de Grundschool Arp-Schnitger-Stieg in Nienfell kregen (3. v. l.). Bi de Klassen 5 un 6 hett den eersten Platz Jana Diercks vun’t Gymnasium Finkwarder maakt (2. v. l.). In de Grupp vun de 7. bet 9. Klass hett Sissi Dunkel vun’t Friedrich-Ebert-Gymnasium Heimfeld wonnen (4. v. l.). Un bi de 10. – 13. Johrgang weer dat Sophie Fick vun’t sülvige Gymansium in Heimfeld (1. v. l.). Hartliche Glückwünschen!
