A’n Sünnavend, den 02.12.2023 weer de Geschäftsföhrer vun’t LzN mit vun de Partie bi den plattdüütschen Thinktank in dat Stadtdeelzentrum “Motte” in Hamborg. Goot 20 Aktören ut all Rebeten vun’t plattdüütsche Leven hebbt in’t Plenum un denn in Lüttgruppen tohoopseten un Ideen sammelt un utarbeidt. Dat Thema weer, woans een Plattdüütsch över Kampagnen sichborer maken kann.
Intressante Ansätzen sünd bi de verscheden Lüttgruppen rutsuert. Un op jeden Fall hett sik dat lohnt un kamen tosamen – ok vunwegen dat Nettwarken. Organiseert hett düt Tohoopkamen dat Nedderdüütschsekretariat. De negsten Thinktank warrt denn in’t tokamen Johr vun’t LzN ümsett.
