Herr Pastor sien Koh

Hier hebbt wi dat mit en ool plattdüütsch Volksleed to doon un dat geiht üm en Koh, de en Pastor tohöört, Oostern noch pickenfideel in`n Stall stünn un to Pingsten mit eenmal doot dorleeg. Gau is se op dat ganze Dörp verdeelt worden. Dat Leed hett vele Sieden: is trurig un liekers vull Schalk un Spott.

Hör di dat Leed eerstmal an.

Kennt ji al dat niege Leed,

niege Leed, niege Leed,

wat dat ganze Dörp al weet,

vun Herrn Pastor sien Koh?

[Refrain:]

Sing man to, sing man to

vun Herrn Pastor sien Koh, jo, o.

Sing man to, sing man to

vun Herrn Pastor sien Koh!

Oostern weer se dick un drall,

Pingsten leeg se dood in’n Stall

De annern Strophen kannst Du ünnen finnen!

Nu eerstmal en poor Opgaven för Di.

Nu kummt dat “Kuh-le Kortenspeel. Jeedeen Koh hett sik tweemal versteken.

Hier en Playback för di. Versöök ok mal de annern Strophen.

3.As se weer in Stücke sneden

Hett dat ganze Dörp wat kregen

4.Un de Küster gor nich eitel

kreeg en niegen Tobacksbeutel

5.Un de Köster Dümelang

Kreeg den Steert as Klockenstrang

6.Unser Schosteenfeger swart,

kreeg de Lung un ok dat Hart

7.Un de ole Inglisch-Miss

Kreeg en nieget Tähngebiss

8.Un de ole Stadtkapell,

Kreeg en nieget Trummelfell

9.Un uns niege Füerwehr,

Kreeg en Pott vull Wagensmeer

10.Un de Schriever Negenkloog,

kreeg en nieget Anschrievbook

11.Un de ole Smittgesell,

kreeg en nieget Schörtenfell

12.Dat rechte Oog, ik hebb´t vergeten,

dat hebbt, ik glööv, de Swien opfreten

13.Un de Maler Seidelbast,

kreeg ´n niegen Malerquast

14.De Schoster keem un haal de Huut,

maak sik Poor niege Stevels ut

15.De hinken Snieder mit de Krück,

kreeg ‘n dröget Achterstück

16.Sleswig-Holsteen, meerümslungen,

hannelt nu mit Ossentungen,

17.De Mekelbörger doot nich slapen,

se sett den Kopp in´t Lanneswapen

18.Bi de Schlacht vun Waterloo,

fung Napoleon sik ‘nen Floh

19.Bi dat Prügeln vun Sedan,

harr Napoleon Steveln an

20.För de armen Dodengräver

bleev rein nix to graven över

21.De Seel steeg den Himmel to,

denn’t weer jo vun’e Pastorenkoh

22.Un toletzt dat allerbest, allerbest, allerbest,

de Koh, dat is ‘n Ossen west,

uns Herrn Pastor sien Koh.

23.De dat Leed nich singen kann,

de fang dat nu to fleuten an

vun Herrn Pastor sien Koh.

Stell Di vör, du schullst de Koh ok mit verdelen. Wokeen wörr wat afkriegen? Kannst du dor en Riemel vun maken un dat singen?

Mehr as Dusend Strophen sünd vun Herrn Pastor sien Koh överlevert – se betreckt sik op dat Alldagsleven vun de Minschen, op Kriege, Nootstand un noch veel mehr. Kiek di de Strophen an. Kannst Du inordnen, worüm dat in de Strophen geiht?