Vun hüüt an sorgt wi för de Wiehnachtstiet vör. Dormit Platt in de Städte noch beter so sehn is, hebbt wi en lütt Wiehnachtsheft maakt mit en Wiehnachtsgedicht un Leder, Rezepten un en Radel. Dat Heft kann baven an de Eck mit en Locker en Lock kriegen un an en Wiehnachtsgeschenk bummelt warrn. Dormit de Hefte ok na vele Minschen in Bremen, Hamborg, Neddersassen un Schleswig-Holsteen wannert un ünner Wiehnachtsbööm to liggen kaamen köönt, helpt Marktbeschicker un Marktlüüd mit. Se verdeelt de „Wiehnachtsgeschenk-Bummel“ op de Wiehnachtsmärkte vun dit Johr.
5500 Hefte hebbt wi hüüt an de Marktveranstalterin Birgit Rehse (op dat Foto links) för Märkte in Neddersassen, Hamborg un Schleswig-Holsteen övergeven. Ok de Veranstaltungsleiterin vun den Markt „Exklusiv & Schön“ in Büsum, Linda Meinke (op dat Bild rechts), schickt geern Hefte mit op den Weg na de Märkte in´n hogen Noorden. Wo de Wiehnachtsbummel allens verdeelt warrt, köönt Ji in en lateren Bidrag lesen.
Kloor is al mal: Dor wo Anne Thiessen ut Hamborg ehren Stand hett, gifft dat för wiss en plattdüütschen Geschenke-Bummel to.
Marktbeschicker un Marktlüüd köönt sik bi dat Lännerzentrum för Nedderdüütsch (LzN) mellen, wenn Se ok in de Wiehnachtstiet de Hefte mit an de Kunnen geven wüllt. Dat LzN verschickt af 200 Hefte un de sünd kostenfree.
Dat Lännerzentrum för Nedderdüütsch dankt de Marktbeschicker und Marktlüüd düchtig för disse wunnerbore Help för mehr Platt in de Stadt!
Hochdeutsche Zusammenfassung:
Um die niederdeutsche Sprache in den Städten präsenter wahrnehmbar zu machen, hat das Länderzentrum für Niederdeutsch ein kleines Weihnachtsheft mit einem bekannten Weihnachtsgedicht, Weihnachtsliedern, Rezepten und einem Rätsel entwickelt. Der Clou: in der oberen linken Ecke ist Platz freigelassen worden. Dort kann das Heft mit einem normalen Locher gelocht werden und wird so automatisch zu einem Geschenkanhänger.
Das Heft wird in der Vorweihnachtszeit auf den entsprechenden Märkten an Marktständen verteilt.
Marktbeschicker und Standinhaber können die Hefte in einem Gebinde ab 200 Hefte kostenfrei beim Länderzentrum für Niederdeutsch bestellen, wenn Sie bei der Verteilaktion mitmachen möchten. Das Angebot gilt, solange der Vorrat reicht.