Artikel

En jung Mann ut Japan bruukt Help!

Nobuharu Kakuchi schrifft flietig an sien Dokterarbeit an de Universität in Hokkaido – in Japan. Dat weer normaal nich verwunnerlich, wenn he sien Arbeit nich graad över dat Plattdüütsche schrieven wörr. Dormit de Arbeit fixer vun de Hand geiht, hett de junge Mann vun 25 Jahr en Stipendium kregen. Dat hett em na de Nedderdüütsch-Afdelen vun de Christian-Albrechts-Universität bröcht. De „Niederdeutsche Verbalsyntax“ – dat is sien Thema. Eenfacher utdrückt: he ünnersöcht Verbutdrücke mit „doon“.
Dormit sien Arbeit ok goot vöran geiht, bruukt he de Help vun uns Plattdüütschen – sunnerlig vun de Lüüd ut Sleswig-Hulsteen. Nobuharu Kakuchi hett dorför `n Fraagbogen utklamüstert.

Hier geiht dat na den Fraagbogen:

http://www.germanistik.uni-kiel.de/de/lehrbereiche/niederdeutsch/aktuelles/Eine%20Erhebung%20zur%20plattdeutschen%20Grammatik_21.11.18.pdf

To jeedeen, de den Bogen utfüllen un an den jungen Doktoranden per Post oder per Mail trüchstüern mag, seggt wi vun Harten Dank! De Adress steiht op den Bogen op.