An’n 31.08. 2024 weren wi mit uns Infostand op den Wekenmarkt in Lümborg. Op uns Törn över noorddüütsche Markten weer dat na den Bremer Findorffmarkt al de twete Statschoon. Bannig fröh güng dat loos. Klock söss stünnen wi vör Karstadt un hebbt töövt, dat wi de Steed för unse Stand anwiest kriegen schullen. Tohoop mit de Matens vun den Vereen LünePlatt e. V. kemen wi fix in’t Gespreek mit de Lümborger Inkööpslüüd. Ok vun de Marktbeschicker kemen en ganze Reeg bi ehr nie’e plattdüütsche „Kollegens“ op’n Snack vörbi. En spannende Vörmiddag weer dat in Lümborg. Uns negste Stopp hebbt wi an’n 21.09. op’n Heider Markt bi de Dithmarscher Kohldaag.
Mehr över LünePlatt finnt ji hier: www.lueneplatt.de/