Siet den 31. Oktober 2023 steiht dat fast: Bremen dörv op Duer den UNESCO-Titel „City of Literature“ dregen. Dat Bremen sik dor beworven un ok den Titel kregen hett, schall de Literatuurszeen in de Stadt Stütt geven. Wat dat nau dormit op sik hett, verkloort dat Literaturmagazin Bremen op en egen Siet. Un wiel Bremen en Stadt mit vele Spraken is, gifft dat düsse Siet nich blot op Hoochdüütsch, Engelsch, Spaansch, Franzöösch, Töörksch un in eenfache Spraak, man ok op Plattdüütsch. De Översetten in’t Plattdüütsche hett dat Lännerzentrum för Nedderdüütsch maakt. Finnen kann een den Text hier: https://www.literaturmagazin-bremen.de/city-of-literature/city-of-literature-niederdeutsch
