Dat Leed vun den Jung an de Eck mit sien Tüdelband oder Trudelband geiht op dat Johr 1911 trüch. Dat is en Hamborger Couplet op Platt. In de Welt sett hebbt dat de Gebröder Wolf. Op Utube gifft dat noch ole Opnahmen vun de Hamborger Bröder.
Höör di den Song doch eerstmal an.
Strooph 1:
An de Eck steiht ´n Jung mit´n Tüdelband
in de anner Hand ´n Botterbroot mit Kees,
wenn he blots nich mit de Been in´n Tüdel kümmt
un dor liggt he ok al lang op de Nees
un he rasselt mit´n Dassel op´n Kantsteen
un he bitt sik ganz gehörig op de Tung,
as he opsteiht, seggt he: hett nich weeh doon,
ischa ´n Klacks för ´n Hamborger Jung
Refrain
Jo, jo, jo, Klaun, klaun, Äppel wüllt wi klaun,
ruck zuck över‘n Zaun,
Ein jeder aber kann das nicht, denn er muss aus Hamburg sein.
Strooph 2:
An de Eck steiht ´n Deern mit´n Eierkorf
in de anner Hand ´n grote Buddel Rum
Wenn se blots nich mit de Eier op dat Plaaster sleit
un dor seggt dat ok al lang „bum bum“.
Un se smitt de Eier un den Rum tosamen
un se seggt „So’n Eierkoken, hebb ik geern“
as se opsteiht, seggt se: „hett nich weeh doon,
ischa´n Klacks för´n Hamborger Deern
Refrain
Jo, jo, jo, Klaun, klaun, Äppel wüllt wi klaun,
ruck zuck över‘n Zaun,
Ein jeder aber kann das nicht, denn er muss aus Hamburg sein.
Woans geiht dat wieder?
Söök de Pore!
